Чили терма жамоаси ярим ҳимоячиси Артуро Видаль Чили ва Аргентина терма жамоалари ўртасидаги Америка кубоги финалининг энг яхши ўйинчиси деб топилди. Учрашувнинг асосий ва қўшимча вақти 0:0 билан тугагандан кейин амалга оширилган пенальтилар сериясида чилиликлар 4:1 ҳисобида ғалаба қозонишди.

“Ювентус”нинг 28 ёшли футболчиси 120-дақиқалик ўйини давомида 53 та узатма амалга оширди (аниқлик 89 фоиз) ва икки марта тўпни дарвозага йўналтирди. Бундан ташқари, у пенальтилар сериясида ҳам ўз уринишини муваффақиятли амалга оширди.