ВМС жамоасининг 25 ёшли австралиялик велопойгачиси Роан Деннис “Тур де Франс” велопойгасининг бутун тарихи давомида мусобақанинг биринчи кунида тезлик бўйича янги рекордни қайд этди.

Деннис Голландиянинг Утрехт шаҳрида ўтказилган велопойганинг ҳар бир иштирокчи алоҳида-алоҳида бошлайдиган 1-босқичида 13,8 км лик масофани 14 дақиқа 56 сонияда босиб ўтди. Шу тариқа Деннис айлана трассани ўртача 55,45 км/соат тезлик билан босиб ўтди.

“Тур де Франс” кўп кунлик велопойгаси 4-26 июль кунлари бўлиб ўтади. Спортчилар ўзларининг “темир отларида” бу давр мобайнида учта давлат – Голландия, Бельгия ва Франция ҳудудини босиб ўтадилар. Пойганинг 2-босқичи 5 июлда ўтказилади.

“Тур де Франс” 100 йилдан кўпроқ тарихга эга. Пойга 21 та босқичдан иборат. 2014 йилда ушбу энг нуфузли автопойгани италиялик велопойгачи Винченцо Нибали ютган эди.