"Катта олтилик" ҳамда Эрон ўртасида ядровий дастур бўйича амалга оширилган келишув бандларининг асосий қисми 10 йил давомида амалда бўлади. Бу ҳақда ТАСС нашрида хабар ёзилган.

"Биз бу келишув параграфларининг асосий қисмини 10 йил муддат учун имзоладик", деб маълум қилади музокараларда қатнашган Эрон ТИВ делегатларидан бири.

Унинг айтишича, баъзи бандлар 25 йилгача амал қилиши кўзда тутилган.

Расмий Теҳрон бу келишув яқин 2 ой ичида амал қила бошлашини маълум қилган.