Малайзия бош вазири Нажиб Раззоқ The Wall Street Journal журналига қарши судга даъво аризаси беришни режалаштирмоқда. Бунга журналда Раззоқ 700 млн доллар пора олганликда айбланган мақоланинг чоп этилиши сабаб бўлмоқда.

“Мен бу масалани адвокатларимга топширдим. Яқин орада улар бундай вазиятда қандай йўл тутишим бўйича маслаҳат беришади. Даъво аризаси маҳаллий судга ва бошқа давлат ҳудудидаги судга берилиши мумкин”, деб айтмоқда Раззоқ.

Раззоққа яқин манбаларнинг хабар беришича, судга даъво аризаси 7 июль куни топширилиши мумкин.

Аввалроқ ОАВларда Малайзия бош вазири давлат жамғармасидан 700 млн доллар олгани маълум қилинганди.