Нурсултон Назарбоев ўзининг 75 йиллик юбилейини қандай кутиб олиши ҳақида сўзлаб берди

Жаҳон 05 Июль 2015 7295

Қозоғистон президенти Нурсултон Назарбоев "Россия 24" телеканали, "Формула власти" кўрсатуви бошловчиси Михаил Гусман билан суҳбат вақтида бир қатор саволларга жавоб берди.

"Президентлик лавозими катта масъулиятни талаб қилади. Бошқа ҳар қандай лавозимлардагидан кўра каттароқ масълулиятни талаб этади. Менда ва бошқа президентларда иш куни бўлмаган кун йўқ. Дам олиш кунларида ҳам, таътилларда ҳам, кундузи ҳам, тунларда ҳам иш билан банд бўлиш керак", дейди Назарбоев.

У 6 июль куни 75 ёшга тўлади ва суҳбат давомида бу сана ҳақида ҳам алоҳида эслаб ўтилди.

"Бир сўз билан айтадиган бўлсам, бу кунни жуда юқори кайфиятда қарши оламан. Худога шукрки, мамлакатимизда тинчлик ҳукмрон. Бу йилда шахсий ҳаётимда ҳам, сиёсий фаолиятимда ҳам ютуқларга эришдим. Қозоғистон президентлиги учун навбатдаги сайловда ғалаба қозондим. Бу эса албатта кайфиятим аъло даражада бўлишини таъминлайди. Ҳар қандай сиёсатчи билан шундай бўлиши табиий", дейди Қозоғистон раҳбари.

"75 ёш арафасида турибман. Ёшлигимизда мисоли бир дурбин тутиб, фақат олдинга қарардик. Энди вақти келиб, шу дурбин билан ортга кўп юзланамиз. Вақт тез ўтган, ўтмишдан жуда кўп ёрқин хотиралар қолган. Лекин ҳали тугалланмаган ишларимиз ҳам бор", дейди у.

Назарбоев ўз хотираларидан бири сифатида Иккинчи жаҳон урушидан кейинги йилларини эслайди.

"Отам ҳар куни тонгда ишга кетаркан, мени уйғотиб юбормасликка, аяшга уринарди. Онам ҳам менга ўзининг бор меҳрини берган. Мен улардан олинган энергия билан ҳалигача ишлаб келяпман", дейди Нурсултон Назарбоев.

Маълумот учун, Қозоғистон президентининг отаси Абиш Назарбоев (1903-1971) ўзи мансуб бўлган жамиятнинг энг илғор кишиларидан бўлиб, қозоқ ва рус тилларидан ташқари, болгар тили ва маданиятини ўрганган. У қозоқ миллий қўшиқларини маҳорат билан ижро этган. Президентнинг онаси Алжан Назарбоева эса 1910 йилда диндорлар оиласида туғилган.

Нурсултон Назарбоевнинг рафиқаси Назарбоева Сара Алписовна мутахассислиги бўйича иқтсиодчи-муҳандис ҳисобланади.
Уларнинг оиласида 3 нафар қиз фарзанд, Дарига, Динара ҳамда Алия туғилиб, тарбияланган.
Нурсултон Назарбоевнинг 8 набираси ҳамда 2 эвараси мавжуд.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28674 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15372 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56486 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 2229 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1728 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 6422 Жамият
Германияда Трамп боши шаклидаги гиёҳванд моддали таблеткалар аниқланди
00:21 1741 Жаҳон
Сербия Ҳиндистон ва Эрон фуқаролари учун визани бекор қилди
00:18 1341 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1987 Жаҳон
Кўпроқ янгиликлар