АҚШ президенти лавозимига номзод Ҳиллари Клинтон АҚШ ҳукуматининг Россия президенти Владимир Путин билан ўзаро ҳамкорлик қилиши зарурлигини таъкидлаб ўтди. Бу ҳақда Reuters ахборот агентлиги хабар бермоқда.

Сиёсатчи буни ўзининг сайловолди кампаниясининг бир қисми ҳисобланган тадбирда айтиб ўтди.

“Биз Путин ва унинг амбициялари билан йўл тутишимизда анча ақллироқ бўлишимиз керак. У анойи одам эмас... Бироқ у билан доимо ҳамкорлик қилишдан бошқа вариант бор, деб ўйламайман”, деб айтди Ҳиллари Клинтон.

Аввалроқ Путин АҚШ халқи танлайдиган исталган президент билан ҳамкорлик қилишга тайёрлигини маълум қилганди.