АҚШ президенти лавозимига номзод Ҳиллари Клинтон Хитойни “АҚШ ҳукуматига тегишли катта миқдордаги маълумотларни” ва тижорат сирларини ўғирганликда айбламоқда, деб маълум қилмоқда Рейтер ахборот агентлиги.

“Улар АҚШдаги барча нарсага бузиб кирмоқчи бўлишмоқда. Биз жуда сергак бўлишимиз керак, Хитойнинг ҳарбий қудрати жуда тез ўсмоқда”, деб айтди Клинтон 4 июлда Нью-Гэмпшир штатида сўзлаган нутқи давомида.

Киберхавфсизлик масаласи Вашингтон ва Пекин ўртасидаги муносабатларда катта муаммо ҳисобланади. АҚШ мунтазам равишда Хитойни хакерлик ҳужумларида айблаб келади. Хитой эса ўз навбатида бу айбловларни рад этиб, уларни ҳеч қандай асосга эга бўлмаган қуруқ гаплардан бошқа нарса эмаслигини таъкидлаб келади.