Профессионал боксда беш карра собиқ жаҳон чемпиони Антонио Тарвер супер оғир вазн тоифасининг бугунги кун қироли украиналик Владимир Кличко (64-3, 53 КО)ни рингга чорлаяпти. Тарвер айни пайтла 46 ёшда.

“Владимир Кличко билан жанг қилиш менинг орзуим. У ҳозирда супер оғир вазн тоифасининг энг кучли боксчиси. Лекин мен ўзаро жангимизда уни мағлуб этиб, ўрнини эгаллашим мумкин. Биз Кличко билан бир даврда боксни бошлаганмиз. Битта Олимпиадада иштирок этганмиз. Исталган рақиб билан жанг қилишим мумкинлиги ҳақида аввал ҳам айтганман. Рой Жонсни нокаутга учратдим. Демак, Кличкони ҳам енга оламан”, - деди Тарвер.