Ереван полицияси Маршал Баграмян кўчасида ҳибсга олинган барча 46 намойишчини қўйиб юборди, деб хабар бермоқда РИА “Новости” ахборот агентлиги.

Ереванда электр энергия нархининг оширилишига қарши бўлиб ўтаётган норозилик намойиши фаолларидан бирининг айтишича, полиция томонидан қўлга олинган намойишчилар етакчиси Давид Санасарян шифохонага олиб кетилган.

“У билан нима содир бўлгани ҳақида аниқ маълумот йўқ, бироқ у полиция бўлимида ўзини ёмон ҳис қила бошлаган”, деб айтмоқда фаол.

Аввалроқ 46 нафар намойишчи Ереван полицияси бўлимига етказилгани маълум қилинганди.