L'Equipe нашрининг ёзишича, "Ювентус"нинг франциялик ярим ҳимоячиси Поль Погба "Барселона"га ўтиш ҳақида қарор қабул қилиб бўлган.

Манбанинг маълум қилишича, 22 ёшли ушбу футболчи 2016 йилнинг ёзида каталонияликлар сафига келиб қўшилади.

Ушбу трансфернинг бу йилги трансферлар вақтидаёқ амалга оширилмаслигига "Барселона"га нисбатан 2016 йилнинг январигача амалда бўладиган тақиқлар мавжудлиги сабаб бўлмоқда.

Погба ўзи жамоада Мессидан кейин энг кўп маош оладиган футболчи бўлиши эвазига бу таклифни қабул қилгани айтилмоқда.

Эслатиб ўтамиз, ушбу футболчига "Манчестер Сити", "Бавария", "Реал", "ПСЖ", "Манчестер Юнайтед" ва "Челси" жамоаларидан ҳам жиддий таклифлар бўлганди.