Россия, Афғонистон ва Ўзбекистон вакиллари бўлган бир гуруҳ тадбиркорлар Туркманистон давлат товар ва хом ашё биржасида савдоларида Туркманбоши нефтни қайта ишловчи заводлар мажмуасида ишлаб чиқарилган автобензин ва полипропилен харид қилишди.

Айтилишича, савдода Россия, Буюк Британия, БАА, Швейцария, Саудия Арабистони, Сингапур, Мальта, Ўзбекистон, Афғонистон, Қирғизистон, Грузия, Украина вакиллари иштирок этган. Амалга оширилган шартномаларнинг умумий қиймати 25.875 млн долларни ташкил қилган.

Туркманистон давлат ахборот агентлигининг хабар беришича, харидлар чет эл валютасида амалга оширилган. Фақатгина покистонлик бизнесменлар депозит манат маблағлари ҳисобига 1.228 млн манатга пахта толаси маҳсулотларини сотиб олган.