2-3 июль кунлари Санкт-Петербургдаги “Сити Инвест Банк” офиси ҳуқуқ-тартибот муассасалари ходимлари томонидан штурм қилиниши натижасида 7 млн доллардан кўпроқ пул мусодара қилинди. Бу пуллар “Справедливая Россия” партиясининг Давлат думасидаги депутати Алексей Лисяковга тегишли бўлган.

Ушбу операция жуда катта миқдорда фирибгарлик ҳолати бўйича жиноий иш доирасида ўтказилди. Операция 2 июль куни эрталаб бошланган. Тезкор ходимларда пулларни мусодара қилиш ҳақидаги қарорнинг мавжудлигига қарамасдан, банк бошқарувчиси 2 июлнинг кечки пайтигача уларни банкка киритмаган. Шунда бинога штурм билан кириш буйруғи берилган.

Операция давомида 7 млн доллардан кўпроқ пул ва бир неча млн рулбь топилган. Топилган ҳужжатларга кўра, бу пуллар Лисяковга тегишли бўлган. Шунингдек, катта миқдорда АҚШ долларлари солинган эгаси бўлмаган сумка топилган. Маълумотларга кўра, мусодара қилинган пулларнинг оғирлиги 100 кг ни ташкил қилган.