Футбол спортига бефарқ россияликлар миқдори тарихий рекорд даражасида ўсган. Бу ҳақда Бутунроссия жамоатчилик фикрини ўрганиш марказининг статистик маълумотларида хабар қилинган.

Унга кўра, 2014 йилнинг июнь ойи ҳолатига кўра, Россияда футбол ўйинларини 48 фоизлик аҳоли кузатиб борган. Охирги сўровнома натижаларига кўра эса, 73 фоиз сўралувчи ўзининг футболга нисбатан бефарқлигини билдирган.

Айни вақтда 8 фоиз россиялик ўзини футболнинг ҳақиқий мухлиси деб билади. Сўровномада қатнашганларнинг 19 фоизи футбол ўйинларини аҳён-аҳёнда кўришини айтган.

2014-2015 йилги Россия чемпионатини футбол мухлисларининг 73 фоизи кузатиб борган, улардан атиги 25 фоизлик қисми ўйинларнинг ҳаммасини кўришга ҳаракат қилган, 48 фоизи эса интернет нашрлар орқали натижаларни билиш билан кифояланган.

Россия терма жамоаси бош мураббийи масаласида ўтказилган сўровномада эса, мухлислардан ҳар иккинчиси Фабио Капелло ўз ўрнини бўшатиб қўйиши кераклигини айтган. Сўралувчиларнинг 19 фоизи Капелло ўз лавозимида қолиши керак деб ҳисоблашини маълум қилган бўлса, 23 фоизи бу мавзу ўзини умуман қизиқтирмаслигини билдирган.

Ушбу сўровнома Россия федерациясининг 130та аҳоли яшаш пунктини қамраган ва 1600 нафар футбол мухлиси сўроққа тутилган.