Уфадаги Шанхай ҳамкорлик ташкилоти саммити 10 июлда Россия Президенти Владимир Путин ва Ўзбекистон Президенти Ислом Каримов суҳбати билан очилади, деб ҳабар бермоқда Gazeta.uz. ШҲТда раислик қилиш ҳуқуқи бир йилга Россиядан Ўзбекистонга ўтмоқда.

“Бу ўзига хос эстафета таёқчасини узатиш бўлади”, деди Кремль вакили ОАВ вакиллари билан мулоқот чоғида.

ШҲТга аъзо давлатлар раҳбарлари кенгаши кун тартибида ташкилотнинг янада ривожланиши, унинг халқаро майдондаги, дунё ва минтақанинг долзарб масалаларини ҳал қилишдаги ролини мустаҳкамлаш масаласи кўрилади. ШҲТ етакчилари катта миқдордаги ҳужжатларни, жумладан ШҲТнинг 2025 йилгача ривожланиш стратегиясини тасдиқлашлари керак бўлади. Шунингдек, саммитда ШҲТга Ҳиндистон ва Покистоннинг қабул қилиниши тартиботининг бошланиши ҳақидаги қарор қабул қилиниши кутилмоқда. Саммит якунларига кўра Уфа декларацияси имзоланади.