АҚШ президентлигига номзодлардан бири Дональд Трамп бир неча ҳафта ичида иккинчи марта Мексика мавзусида баёнот берди. Бу сафар у ўз давлатини Мексика жиноятчилари учун чиқиндихона деб атади.

Илгарироқ у Мексика шимолий қўшнисининг ҳудудига “унча яхши бўлмаган” одамларни юборишини айтиб, гиёҳванд моддалар савдоси ва жиноятчиликнинг ўсишини улар билан боғлаган эди. Шундан сўнг Univision, NBC, Televisa ва Ora TV телеканаллари Трампни ва унга қисман тегишли “Мисс Коинот” гўзаллик танловини бойкот қилди, Панама ва Мексика танловдан иштирок этишдан бош тортди.
Душанба куни тарқатилган баёнотда миллиардер Мексикага илиқ муносабатда эканлигини эътироф этди.

“Мен Мексикани жуда ҳурмат қиламан ва унинг халқини, унинг бағрикенглигини яхши кўраман, лекин муаммо шундаки, унинг етакчилари биздан яхшироқ музокарачилар бўлишига қарамай, анча айёрдирлар”, – баёнотдан иқтибос келтиради El Financiero нашри.
Шу билан бирга, Трамп Мексикани яна бир АҚШга “ёмон” одамларни юборишда ва бу билан АҚШни жиноий элементлар учун чиқиндихонага айлантиришда айблади.
“Яхши” мексикаликларнинг ҳам кўчиб келаётгани, бу билан давлат янада яхшиланаётгани борасидаги эътироф ҳам баёнотдан ўрин олди.