Ироқ армияси халқ кўнгиллари кучлари билан ҳамкорликда ИШИД террорчи гуруҳидан ал-Фаллужа шаҳрини озод қилиш бўйича кенг миқёсли ҳарбий амалиётни бошлади. Бу ҳақда 7 июль куни Эрон телевидениеси хабар қилди.
Айтилишича, шаҳарнинг атрофи аллақачон назорат остига олинган, шаҳар қамал ҳолатида ушлаб турилибди. “Ҳизбуллоҳ” шиа ташкилоти вакили Жаъфар Ҳусайнинг маълум қилишича, бирлашган кучлар террорчиларнинг таъминот йўналишларини тўсиб қўйган.
Шаҳарга яқин нуқталардан бирида террорчилар икки автомобилни портлатиб юборди, бунинг оқибатида 20 нафар шиа кўнгиллилари ва ҳарбий хизматчилар ҳалок бўлди.
Анбар вилояти Ироқ ҳукумат қўшинлари билан ИШИД жангарилари кучлари тўқнашаётган асосий ҳудуд бўлиб қолмоқда. Вилоятнинг икки асосий шаҳри – ал-Фаллужа ҳамда вилоят маъмурий маркази Рамади жангарилар қўлида қолмоқда.