Жанна Фрискенинг отаси Владимир Копилов хонанданинг Майами шифохонасида даволаниши қарзга бўлганлигини айтди.
“Биз Майами шифохонасидаги муолажалар пулини ҳалигача тўлай олмадик. Қарзимиз, адашмасам, 106 минг доллар. Уни ҳали узганимиз йўқ”, – деди у Рен-ТВ телеканалидаги интервьюсида.
Копиловнинг аниқлаштиришича, рубль курсининг тушиши натижасида қарз миқдори ҳам ошиб кетган:
“Бу пулларни тўплаганимизда доллар курси 30 ёки 33 рубль эди. Дориларни сотиб олганимиздан кейин эса курс икки баробарга кўтарилиб кетди. Дориларнинг нархи эса ўзгармади”.
Фрискенинг даволаниши учун тўпланган пулларнинг 70 фоизини шоу-бизнес вакиллари, оиланинг танишлари ва дўстлари тақдим қилган эди.