Лондонда давом этаётган “Катта Дубулға” туркумига кирувчи “Уимблдон” турнирнинг ўсмирлар ўртасидаги баҳсларида иккинчи давра иштирокчилари маълум бўлди. Бундан аввалги иккита “Катта Дубулға” турнирлари – Австралия ва АҚШ Очиқ чемпионатларида иштирок этган ҳамюртимиз Жўрабек Каримов Лондонда ҳам ўз имкониятини синовдан ўтказди.
Қуръа натижасига кўра истеъдодли теннисчимиз илк даврада америкалик Вильям Блумбергга қарши кортга чиқди. Афсуски, шиддатли кечган баҳсда Жўрабек Каримов турнирнинг 10-ракеткасига 7:6, 4:6, 4:6 ҳисобида имкониятни бой бериб қўйди.