Мадриднинг “Реал” клуби дарвозабони Икер Касильяс “Порту” билан ўзининг келгуси фаолияти борасида музокаралар олиб бормоқда.

Потругалия клуби 34 ёшли дарвозабон билан солиқ чиқариб ташлангунга қадар йилига 5 млн евролик маош билан 2 йилга мўлжалланган шартнома тузишга тайёрлигини билдирди, деб хабар бермоқда Marca нашри.

Нашрнинг маълумотларига кўра, Касильяснинг “Порту”га ўтишида унинг янги клубда камроқ маош олиши тўсқинлик қилмоқда, чунки дарвозабоннинг “Реал” билан шартномаси ҳали икки йил амалда бўлади.

Дарвозабон Мадрид клуби унга маошидаги фарқни тўлаб беришига умид билдирмоқда, бу ҳолда футболчи эркин трансфер бўйича “Порту”га ўтади.

Кейинги мавсумда Касильяс “Реал”да соф ҳолда 6,5 млн евро (солиқ тўлангунга қадар 13 млн евро), 2016/17 йиллардаги мавсумда соф ҳолда 6 млн евро (солиқ тўлангунга қадар 12 млн евро), жами солиқ тўлангунга қадар 25 млн евро маош олиши белгиланган.

“Порту” дарвозабонга икки йил учун солиқлар чиқариб ташланмаган ҳолда 10 млн евро тўлашга тайёр. Шу тариқа, Касильяс “Реал”дан маошлардаги 15 млн евро фарқни, яъни йилига соф ҳолда 4 млн евродан қўшимча маош олишни мўлжалламоқда.