Украиналик боксчи Владимир Кличко ва британиялик боксчи Тайсон Фьюри ўртасидаги жанг 24 откябрда Германиянинг Дюссельдорф шаҳрида ўтказиладиган бўлди, деб хабар бермоқда ESPN шарҳловчиси Дэн Рафаэль.

Фьюри ўта оғир вазн тоифасида WBA версияси бўйича жаҳон чемпиони билан жанг ўтказишга мажбурий номзод ҳисобланади. Кличко ҳозирда учта: WBA, WBO ва IBF версияларининг чемпионлик камарига эга.

Боксчиларнинг томонлари беллашувнинг ўтказилиши бўйича узоқ вақт келиша олмаганлари учун WBA 6 июлда ушбу жангни ташкил қилиш ҳуқуқини бериш учун савдо бошлади. Панамада ўтказиладиган савдонинг бошланишига бир неча дақиқа қолганда боксчилар келишувга эришганларини маълум қилдилар.

Жангни ўтказиш учун аукцион иштирокчилари орасида россиялик промоутер Владимир Хрюнов ҳам бор эди.