Германия канцлери Ангела Меркелнинг фикрича, референдум ўтказган Грецияга янги ёрдам пакети тақдим қилишга ҳеч қандай асос йўқ.

“Греция фуқароларининг қарорларини ҳисобга олган ҳолда айни пайтда янги ёрдам дастури ҳақида музокараларни бошлашга ҳеч қандай асос мавжуд эмас”, деб айтди Германия ҳукумати вакили Штеффен Зайберт.

Зайбертнинг фикрича, бунга грекларнинг ўзлари айбдорлар, чунки улар кредиторлар таклиф қилган ислоҳотларни ўтказишдан бош тортдилар ва шу тариқа Европа ёрдамининг асосий тамойилига қарши эканликларини билдирдилар, шунинг учун улар ёрдам олишга нолойиқлар.

Бироқ греклар кўп йиллардан бери инқироздан чиқишга ҳеч қандай кўмак бермаётган Халқаро валюта жамғармасининг барча тавсияларини сўзсиз бажариб келганларини Германия ҳукумати муҳокама қилишни лозим топмаяпти.