Россиянинг МТС оператори айни кунларда йирик халқаро телекоммуникацион операторлар билан Украина ҳудудида уларнинг брендидан фойдаланиш ҳуқуқини олиш борасида музокаралар олиб бормоқда, деб ёзмоқда “Известия” газетаси.

Россия компанияси Украина раҳбариятининг босим ўтказишидан ташвишда. Компания мутасаддиларининг умид қилишича, ребрендинг “Украина МТС”нинг бош идора билан алоқасини хаспўшлашга ёрдам беради.

Бошқа манбаларда айтилишича, Россия ва Украина ўртасидаги муаммолар туфайли МТС хизматлари ёмон сотилмоқда. Ребрендинг учун танланган ҳамкорлар Ричард Брэнсоннинг Virgin ва Британиянинг Vodafone компаниялари бўлиши мумкин.