Дарҳақиқат, юртимиз истиқлолга эришгандан сўнг, барча соҳалар каби диний соҳага ҳам алоҳида эътибор қаратилди. Мустақиллик шарофати билан миллий ва диний қадриятларимизга эркинлик берилиб, рамазон рўзасини тутиш, ҳайит намозларини адо этиш, моҳи маҳбуб фазилатидан кенгроқ баҳраманд бўлиш имкониятига эга бўлдик.


Юртимиздаги тинчлик ва осойишталик туфайли муборак Рамазон ойи ўзгача шукуҳ ва кўтаринкилик билан ўтмоқда. Буни Қашқадарё вилоятидаги масжидлар мисолида ҳам яққол кўриш мумкин.


Зотан, вилоятдаги барча масжидларда таровиҳ намозлари ўқилмоқда. Масжид ходимлари томонидан намозхонлар учун қулай шарт-шароитлар яратилган. Шунингдек, мазкур ой муносабати билан ҳомийлар кўмагида, кам таъминланган, ёрдамга муҳтож оилаларга ҳамда меҳр-мурувват уйларига моддий-маънавий ёрдамлар ҳам кўрсатилмоқда.


Таровиҳ намозига келганлар Аллоҳ таолодан юртимизда тинчлик неъмати барқарор бўлишини, халқимизнинг ҳаёти янада фаровон бўлишини сўраб дуои хайрлар қилишмоқда.

Манба: Muslim.uz