Икки муқаддас ҳарам ходими, Саудия Арабистони подшоҳи Салмон бин Абдулазиз ал-Сауд Рамазон ойида Саудияга ташриф буюрадиган зиёратчиларни муносиб кутиб олиш ва кузатиш бўйича йиғилиш ўтказди.

Унда Саудия қироли томонидан ҳаж ва умра масалалари бўйича иш юритувчи барча ташкилот мутасаддиларига муборак ой давомида Саудия Арабистонига ташриф буюрадиган зиёратчиларни барча шарт-шароитлар билан таъминлаш борасида кўрсатмалар берилди.

Шунингдек, Қирол икки муқаддас ҳарам ва уларга олиб борувчи йўлларда юзага келадиган тирбанд ҳолатларнинг олдини олиш ҳамда меҳмонларга хизмат кўрсатишда бепарволикка берилмасдан тезкор бўлишга чақирди.

Эслатиб ўтамиз, Подшоҳ душанба куни Маккаи Мукаррамадаги қароргоҳида бўлиб ўтган Вазирлар кенгаши йиғилишидаги баёнотида ҳам ушбу масалаларга атрофлича тўхталиб ўтган эди.

Манба: Muslim.uz