Тошкент жисмоний тарбия институтига имтиҳон топшириб, тегишли балл тўплай олмаган абитуриент Сардор нимадандир умид қилиб, узоқ муддат ҳужжатларини у ердан олмай турди. Айни пайтда Яшнобод туманидаги ихтисослашган мактаб-интернатда футбол билан шуғулланишда давом этди.

Бир куни дўсти Шавкат уни ўша институтда ишлайдиган мураббий таништирди. Сардорнинг отаси Рашид ҳамда унинг ҳамкасби Илҳомлар мураббий билан қўшимча квота асосида фарзандларини ўқишга олиб кириш ҳақида келишиб, унга 8 минг доллар беришди.
Мураббий ушбу пулларни олиб, ўз манфаатларига ишлатиб юборди. Сўнг ҳужжатларни сохталаштириб, болалар ўқишга кирганини айтди ва шартнома пулларини тўлаш учун қоғозлар берди. Бу қоғозларда унинг ўзига тегишли “Хуш келибсиз” номли фирманинг ҳисоби кўрсатилган эди.
“На посту” газетасида ёзилишича, шундан сўнг у қўнғироқларга жавоб бермай қўйган. Ташвишга тушган Рашид ва Илҳомлар милицияга мурожаат қилишган. Қаллоб қўлга олиниб, пуллар эгаларига қайтарилган.