Яман ихтилофи томонлари – амалдаги президент Абдраббу Мансур Ҳодий, хусийларнинг “Ансорулло” ҳаракати раҳбарияти ва собиқ президент Али Абдулла Солиҳ тарафдорлари – БМТ бош котибининг Яман бўйича махсус вакили Исмоли улд Шайх Аҳмаднинг воситачилигида беш кунлик сулҳ тузишга қарор қилишди. Бу ҳақда Elaf газетаси хабар бермоқда.
Тинчлик сешанба ёки чоршанба куни эълон қилинади.
Айни пайтда БМТ Яманда иккинчи гуманитар тинчликнинг ўрнатилишига эришмоқчи. У айни пайтда доимий тинчлик ўрнатилишига умид қилмоқда. Биринчи сулҳ май ойининг ўртасида тузилган эди.
Ямандаги инқироз ҳалигача тўхтатилгани йўқ. Юқорида тилга олинган уч томонга тегишли кучлар ўртасидаги ҳарбий тўқнашувлар давом этмоқда.