“Ўзбекистон темир йўллари” акциядорлик жамияти 201483576 қўшимча акция чиқаради. Улардан ҳар бирининг нархи 430 сўмни, умумий қиймати эса 86.6 млрд сўмни ташкил қилади. Бу ҳақда 3 июль куни тарқатилган матбуот хабарномасида айтилди.
Акцияларнинг чиқарилиши акциядорлик жамияти устав фондига Eyvalek maxsus temir beton АЖнинг давлат акциялари пакетининг 96.07 фоизи берилиши ҳисобига молиялаштирилди. Шунингдек, Ҳожибуғут станцияси асбоб-ускуналари, Тахиатош темир йўли, иккита йўловчи вагонлари ҳамда “Тошкент механика заводи” АЖ давлат улуши номинал қийматда компания устав фондига киритилди.
2015 йил 11 июнда жамият 1.1 млрд дона 509 млрд сўм умумий қийматдаги оддий акциялар чиқариши ҳақида қарор қабул қилинган эди. Жамиятнинг биринчи эмиссияси қимматбаҳо қоғозлар бозорини мувофиқлаштириш ва ривожлантириш маркази томонидан 19 июнь куни рўйхатга олинди.