Афғонистон расмийлари билан Толибон гуруҳи етакчилари ўртасида музокараларнинг ўтказилиши мамлакатда тинчлик ва барқарорлик ўрнатилиши йўлидаги муҳим қадамдир. Бу ҳақда Оқ Уй матбуот котиби Жошуа Эрнест сешанба куни ўтказилган брифингда баёнот берди.

“АҚШ Афғонистон ҳукумати ва Толибон ҳаракати ўртасидаги музокараларни қўллаб-қувватлайди”, – таъкидлаб ўтди матбуот котиби.

Шу ҳафтанинг бошида Афғонистон ҳукумати эмиссарларининг Толибон вакиллари билан учрашуви Покистон пойтахти Исломободда бошланди.

The New York Times газетасининг ёзишича, Исломободда бошланган музокараларда кузатувчилар сифатида АҚШ ва Хитой вакиллари иштирок этмоқда.