Буюк Британия фуқароси селфи таёқчасига чақмоқ келиб урилиши оқибатида ҳалок бўлди. Бу ҳақда The Independent хабар қилган.
 
Хабарда айтилишича, бу воқеа 5 июль куни Уэльс жанубидаги Брекон-Биконс номли миллий хиёбон ҳудудида рўй берган.
 
Гувоҳларнинг ҳикоя қилишича, тоғ юқорисидаги бир неча кишига селфи тушиши вақтида чақмоқ келиб урилган.
 
Хабарда ёзилишича, ўша куни хиёбон ҳудудида 2 киши ҳалок бўлган, иккинчи қурбоннинг айнан қандай сабаб билан ҳалок бўлгани аниқланмаган. Чақмоққа учраганлардан яна икки нафари шифохонага олиб борилган.