Евроҳудуд раҳбарларининг навбатдан ташқари саммитида Грецияни Европа валюта зонаси таркибида сақлаб қолиш масаласи муҳокама этилган ва бу масала ижобий ҳал қилинган. Бу ҳақда ТАСС нашри ишончли манбасига асосланган ҳолда хабар бермоқда.

"Европа Иттифоқи раҳбарлари Греция бош вазири Алексис Ципрас билан музокараларда ютуққа эришди ва бу давлатни евроҳудуд таркибида сақлаб қолишга келишилди", дейилади хабарда.

Бундан ташқари, расмий Афина зиммасига 24 соат ичида инқироздан чиқишнинг янги дастурини тақдим этиш вазифаси қўйилган.