Гватемала пойтахти Гватемалада 7 июлда вояга етмаганлар учун мўлжалланган Las Gaviotas колониясида исён кўтарилиши давомида камида икки киши ҳалок бўлди ва яна икки киши жароҳат олди. Миллий полициянинг хабар беришича, тартибсизликларга колониядаги иккита бир-бирига қарши турувчи Mara Salvatrucha ва Barrio 18 бандалари орасидаги тўқнашувлар сабаб бўлган. Колониянинг икки нафар назоратчиси жиноятчиларнинг қурбонлари бўлди.

Маҳбуслар ўқотар қуролларга эга бўлганидан кейин улар колониянинг деярли барча биноларини босиб олишди. Полициянинг махсус бошқармалари ахлоқ тузатиш муассасаси устидан назоратни қайтиб олиш учун кўзни ачиштирувчи гаранаталардан фойдаланган ҳолда уни бир неча маротаба штурм қилишларига тўғри келди. Айни пайтда колониядаги вазият маъмурият ва ҳуқуқ-тартибот муассасалари назоратига ўтди.

Mara Salvatrucha бандаси Марказий ва Шимолий Америкада фаолият юритувчи энг катта ва шафқатсиз бандалардан ҳисобланади. Унинг аъзолари жиноий фаолиятнинг деярли барча кўринишлари билан шуғулланади ва йирик мексикан уюшган гуруҳлари ва наркокартеллари билан ҳамкорлик қилишади. Barrio 18 бандаси аъзолари Mara Salvatrucha`нинг ашаддий душманлари ҳисобланишади.