Ўзбекистон Президенти Ислом Каримов 9-10 июль кунлари Россиянинг Уфа шаҳрида бўлиб ўтадиган Шанхай ҳамкорлик ташкилотига аъзо давлатлар раҳбарлари Кенгашининг навбатдаги йиғилишида иштирок этади. Бу ҳақда Ўзбекистон Президенти матбуот хизмати хабар бермоқда.

Кремль матбуот хизмати берган маълумотларга кўра, йиғилишда ташкилотнинг янада ривожланиши, унинг халқаро майдондаги ролини мустаҳкамлаш, долзарб халқаро ва минтақавий муаммолар бўйича мувофиқлаштиришни чуқурлаштириш масалалари кўриб чиқилади.

ШҲТга аъзо давлатлар раҳбарлари бир қатор ҳужжатлар, шу жумладан ШҲТнинг 2025 йилгача мўлжалланган ривожланиш стратегиясини тасдиқлашлари керак бўлади.
Ташкилотга Ҳиндистон ва Покистоннинг қабул қилиниши тартиботининг бошланиши бўйича қарор қабул қилиниши кутилмоқда. Саммит якунларига кўра Уфа декларацияси имзоланади.
Саммитда ШҲТда раислик қилиш ҳуқуқи Россиядан Ўзбекистонга топширилади.