Москва шаҳридаги баланд уйларнинг томлари, кўприклар ҳамда хавфлилик даражаси юқори бўлган бошқа объектларда селфининг хатаридан огоҳлантириб турувчи белгилар ўрнатилиши режалаштирилмоқда. Бу ҳақда ТАСС нашрида ёзилган.

"Бир қанча таҳлилчилар селфини ҳужжат асосида тақиқлашни таклиф қилишмоқда. Мен бундай қонун яратилиши эҳтимоли жуда паст деб биламан. Шунинг учун махсус жойларда одамларнинг ўзига бу ҳақда маълум қилиб турадиган, селфи усулида суратга тушиш ёмон оқибатларга олиб келиши мумкин бўлган жойларда "Селфи хавфли" дея ёзилган белгилар ўрнатиш керак", дейди Москва давлат думасининг қонунчилик комиссияси раҳбари Александр Семенников.

Унинг фикрича, бу ишларни амалга ошириш учун шаҳар ҳокимиятидан махсус фармойишни кутиб ўтириш ҳам шарт эмас.

Маълумот учун, Россияда 2014 йил бошидан бери селфи ишқибозлари билан боғлиқ 100га яқин бахтсиз ҳодиса рўй бериб, ўнлаб ҳолатлар фожиали якун топган.