Ўтган ҳафта мобайнида Ўзбекистон ҳудудида 427та ёнғин содир бўлганлиги қайд этилган.

Турли сабабларга кўра содир бўлган ёнғинларда 6 нафар фуқаролар тан жароҳатлари олишган. Ушбу ёнғинларда 2 млрд. 312 млн. 757 минг сўмдан ортиқ қурилиш материаллари ва 1 млрд. 700 млн. 198 минг сўмга яқин моддий бойликлар ёнғиндан сақлаб қолинган. 

Тошкент шаҳар Шайхонтоҳур туманида яшовчи Ш.Рахматуллаевнинг уйида электр симларининг қисқа туташуви натижасида ёнғин содир бўлди. Натижада уйнинг 85 кв. метр майдонда ҳамда қўшнисининг уйини 15 кв. метр майдонда том қисмлари ёниб зарарланган. 

Фарғона вилояти Фурқат туманида яшовчи Х.Маликовнинг уйида электр симларининг қисқа туташуви натижасида ёнғин чиққан. Натижада уйнинг 100 кв. метр майдонда томи, шифт қисми ва уй жиҳозлари ёниб зарарланган. 

Ушбу ҳолатлар бепарволик ва эътиборсизлик туфайли содир бўлмоқда. Бундай ҳолатларга йўл қўймаслик учун ёнғин хавфсизлиги талабларини ёддан чиқармаслик сўралади.