Россияда 8 июль куни оила куни нишонланади. Шу муносабат билан мамлакатнинг айрим ҳудудларида шу кунда ажрашиш тақиқланади.

Маҳаллий матбуотда хабар қилинишича, бугун Калуга ва Тула вилоятларида, Амурбўйи ўлкасида ва бошқа бир қатор ҳудудларда ЗАГСлар ажрашишларни расмийлаштирмайди. Шу тариқа давлат ажрашишларга қарши курашни йўлга қўймоқчи.

Оила, муҳаббат ва садоқат куни 2008 йилдан буён анъанавий равишда авлиёлар Пётр ва Феврония хотираси кунида нишонланади. Ушбу байрам, статистик маълумотларга қараганда, 17 фоиз россияликлар томонидан нишонланади.