3 июль куни Россиянинг Киров вилояти Ички ишлар вазирлиги бошқармаси тергов идораларига Гоньба қишлоғида яшовчи аёл ўзининг омборхонасида одам қолдиқларини топгани ҳақида хабар келиб тушган.

Воқеа жойига тергов бошқармаси ходимлари етиб келганлар. Текширув натижаларига кўра омборхонанинг еридан бошидан жароҳат олган эркак кишининг скелет қолдиқлари топилган.

Терговнинг аниқлашича, 2000 йилгача бу уйда эркак ва аёл бирга яшаган. Кунлардан бирида улар орасида жанжал чиққан, эркак ўз маъшуқасини ура бошлаган. Уларникида меҳмонда бўлган аёлнинг марҳум эрининг укаси аёлни ёнини ола бошлаган.

Тергов тахминига кўра, эркаклар ҳовлига чиқиб, бир-бирлари билан муштлашиб кетишган. Аёл уларнинг кетидан чиқиб, уларни тинчлантирмоқчи бўлган. Аёлнинг айтишича, муштлашув пайтида марҳум эрининг укаси икинчи эркакнинг бошига бир неча марта таёқ билан урган.

Буни кўрган аёл қўрқиб кетиб, уйга кириб кетган ва уйдан қочиб кетган. У шу қочганча Малмиж шаҳрида битта халатда ўзига келган, шундан кейин у икки йил давомида руҳий касалликлар шифохонасида даволанган. У ўшавоқеадан кейин ўзи билан яшаган эркак ва марҳум эрининг укасини кўрмаган.

Терговчиларнинг аниқлашича, ўша воқеадан кейин эркак қидирувга берилган. Бир қанча вақтдан кейин уйда ёнғин чиққан. Бу ёнғинда аёлнинг марҳум эрининг укаси ҳалок бўлган. Аёл эса шифохонадан чиққач, ушбу уйни ҳозирги эгаларига сотиб юборган.

Айни пайтда эркакнинг шахсини аниқлаш бўйича бир қатор экспертизалар ўтказиш белгиланди. “Қотиллик” моддаси бўйича жиноий иш қўзғатилди.