Тожикистонлик журналист ва сиёсатшунос Нурали Давлат Ўзбекистоннинг Коллектив хавфсизлик шартномаси ташкилотига аъзолигини тўхтатиб туриш тўғрисидаги қарорини қўллаб-қувватлади.
“Тажрибали ва узоқ кўра оладиган сиёсатчи, Ўзбекистон президенти Ислом Каримов КХШТни тарк этишга қарор қилгани бежиз эмас, у ўз давлатининг ташкилот таркибида бўлиши фойдасизлигини ҳаммадан кўра яхшироқ тушунди”, – унинг сўзларини келтиради Asia Plus нашри.
У ташкилот Тожикистонда авж олган фуқаролик урушини, 1999 йили жангариларнинг Қирғизистонга кириб келиши ҳамда 2010 йили Ўшдаги қирғинни тўхтатиш учун ҳеч нарса қилмаганини эслаб ўтди.