Тошкентнинг Яккасарой туманида 430 минг долларни нақдлаштирган жиноий гуруҳ қўлга олинди.

“Ҳуқуқ” газетасининг ёзишича, тўрт кишидан иборат гуруҳ NBU филиалида 215 киши номига Visa электрон карталарини очтирган. Шундан сўнг карталардаги валюта чет элга олиб чиқилиб, нақдлаштирилган ва пойтахтдаги валюта бозорида сотиб юборилган. Карталарни очишда ёрдам берган банк ходимларига 100 минг сўмдан пора берилган.

Жиноятчиларнинг исмлари ҳамда уларга нисбатан қўлланган жазо ҳақида маълумот берилмади.