Аргентина футбол уюшмаси президенти Луис Сегура терма жамоа ҳужумчиси Лионель Мессини танқид қилишни тўхтатишга чақирди.

Эслатиб ўтамиз, Херардо Мартино бошқарувидаги Аргентина терма жамоаси Копа Америка мусобақаси финалида Чилига ютқазиб қўйганидан сўнг, мухлислар бу омадсизликда Мессини айблашни бошлашган, Месси терма жамоадаги фаолиятида танаффус қилмоқчи экани ҳақидаги хабарлар ҳам пайдо бўлганди.

"Мен бундай мухлисларни тушунмайман. Улар Мессига нисбатан даҳшатли даражада адолатсизлик билан муомала қилишмоқда.

Мессини Марадона билан тенглаштирган мухлислар энди уни кескин танқид қилишмоқда. Лекин, ишонтириб айтаманки, терма жамоа футболчилари бу мағлубиятдан кейин мухлислардан кўпроқ даражада куйинишди", дейди Сегура.