Челябинск губернатори Борис Дубровский 5-сонли шаҳар шифохонаси ходимларини ишдан бўшатиш ҳақида кўрсатма берди. Вилоят раҳбари матбуот хизматининг хабар қилишича, ходимлар ҳомиладор аёлни туғруқхона ҳудудига киритмаганлиги сабаб бўлган.
Шифохонага келган ҳомиладор аёл ичкарига киритилмагани туфайли унинг кириш олдида шифокорлар ёрдамисиз кўзи ёриган. Бунинг юзасидан соғлиқни сақлаш вазирлиги тафтиш ўтказган.
“Тефтелевга: бош шифокор ўринбосари ишдан бўшатилсин. Қоровул ишдан бўшатилсин. Бош шифокорга ахлоқий чора кўриш”, – губернаторнинг сўзларини келтиради матбуот хизмати.
Шунингдек, вилоят раҳбари шифохона қабулхоналарининг мустақил равишда мурожаат қилувчи беморларни қабул қилишга тайёрлигини текшириш ҳақида кўрсатма берди.