Уч ҳафта олдин, 15 июнда узоқ давом этган касаллик туфайли ҳаётдан кўз юмган россиялик хонанда Жанна Фрискенинг 8 июлдаги туғилган кунида унинг қабрини энг яқин кишилари: онаси, синглиси, дугоналари ва мухлислари зиёрат қилишди.

Уларнинг кетидан қабристонга унинг маҳбуби 32 ёшли Дмитрий Шепелёв ҳам келди. Телебошловчи қўлида оқ гуллардан ташкил топган гулдастани кўтарганча Фрискенинг қабри ёнида жим турди. Шепелёв фоний дунёни тарк этган севгилиси билан “унсиз” сўзлашиб, унинг қабрига гулдастани қўйди ва унинг мухлисларига миннатдорчилик билдирди.

Дмитрий Шепелёв Фрискенинг ўлимидан бир йил аввал унга турмушга чиқиш таклифини билдирган эди. Хонанда телебошловчининг рафиқаси бўлишга рози бўлган, бироқ бахтга қарши уларга бу насиб қилмади.