Ўзбекистонда йўловчи ташиш тизимини такомиллаштириш мақсадида жамоат транспортларига GPS тизимини ўрнатиш устида иш олиб борилмоқда. Бу ҳақда ЎзА хабар тарқатди.

Ўзбекистон автомобил ва дарё транспорт агентлиги АКТ бўлими бош мутахассиси Баҳром Эгамбердиевнинг сўзларига кўра, ҳозирги вақтда автотранспорт соҳасини кенг миқёсида компьютерлаштириш, янги интерактив методларини жорий қилиш, юк ташиш ва йўловчи ташиш хизматлари сифатини ошириш учун бир қатор ишлар амалга оширилмоқда.

Йўловчи ташиш тизимини такомиллаштириш мақсадида ҳозирда 148та йўловчи ташувчи автобусларга GPS тизими ўрнатилди. Яқин келажакда яна 150та жамоат транспортларига шундай турдаги қурилмалар ўрнатилиши режалаштирилмоқда.

«Бундан ташқари янги тизим орқали автовокзалларга ўрнатилган кузатув камералари, транспорт ҳаракатларини кузатиш уларнинг сифатли хизмат кўрсатишини таъминлаш ягона диспетчерлик маркази ташкил этилади», дея Эгамбердиевнинг сўзларидан иқтибос келтиради ЎзА.