Ўзбекистондаги маҳаллий давлат ҳокимияти органлари вакиллари ўзбекистонликларнинг "ИШИД" (Ироқ ва Шом Ислом давлати") сафига ёлланиш ҳолатларига қарши кураш олиб боради.

12news.uz нашрининг маълум қилишича, Ўзбекистон бўйлаб "Маҳалла" хайрия жамғармаси ҳомийлигида шу мақсадда семинарлар ташкил этилмоқда.

Шундай семинарлардан биринчиси 29 июнь кунидан 4 июлгача Тошкент шаҳрида ўтказилди ва унда оқсоқоллар, посбонлар ҳамда маҳалла фаоллари иштирок этишди. Семинар қатнашчиларига мамлакат чегараларидан ташқарига чиққан ўзбекистонликларнинг диний экстремистик кучлар таъсирига тушиш ҳолатларини ўрганиш вазифа қилиб берилган.

Семинар инструкторлари экстремистлар ўз сафларига одамларни ёллашда қандай воситалардан фойдаланишлари ҳақида тушунча бериб ўтишди.