АҚШдаги косметик буюмлар ишлаб чиқариш билан шуғулланадиган Coty Inc. компанияси Procter & Gamble компаниясининг 43та брендини сотиб олди. Бу ҳақда Business Insider нашрида ёзилган.

Шу тариқа Cоty профессионал соч ва тери парваришлаш, косметика ҳамда парфюрмерия брендлари устидан назоратни қўлга олади.

"Coty билан шартнома стратегик қарор ҳисобланади. Компания вақт синовидан ўтган брендлар учун янги уй бўлади. Бу компанияда ўз ишининг усталари фаолият кўрсатишади. Биз буни муваффақиятли ҳамкорлик деб биламиз ва икки компания ҳам бу ҳамкорликдан юқори даражада фойда кўради", дейди P&G компаниясининг ижрочи директори Эйджи Лафли.