Британиялик супер оғир вазн тоифасидаги боксчи Тайсон Фьюри WBA, WBO ва IBF йўналишлари чемпиони украиналик Владимир Кличкога қарши кечадиган жангдан 5 миллион фунт стерлинг ишлаб олади.

Кличконинг гонорари ҳозирча ошкор қилинмаяпти. Ушбу жанг 24 октябрь куни Германиянинг Дюссельдорф шаҳрида бўлиб ўтади.

Кличко сўнгги бор шу йилнинг апрель ойида Нью-Йорк шаҳрида ўзига тегишли бўлган WBA, WBO, IBF, IBO чемпионлик камарларини америкалик Брайант Женнингсдан ҳимоя қилганди.

Фьюри фаолияти давомида 24та жанг ўтказиб, уларнинг барчасида ғалаба қозонган. Нокаутлар сони 18тани ташкил қилмоқда.