АҚШ Миллий хавфсизлик агентлиги ўн йил мобайнида Германия раҳбариятининг телефон қўнғироқларини кузатиб борган. Бу борадаги ҳужжатлар WikiLeaks порталида чоп этилди.
Эълон қилинган рўйхатда Германия федерал канцлери идораси ходимларидан 56 кишининг исми-шарифи бор. Шунингдек, сайтда Ангела Меркелнинг телефон мулоқотлари матнлари, эшитилувчи рақамлар рўйхати берилди.
Порталнинг маълум қилишича, америкаликлар 125 рақамни кузатиб борган. Улар ичида Меркель хонимнинг шахсий мобил рақами, канцлер ёрдамчисининг телефони ва ҳатто маҳкама факси бор.
Таъкидланишича, АҚШ МХА Меркелдан илгариги раҳбарлар – Герхард Шрёдер ва Гельмут Колнинг телефонларини ҳам кузатиб борган.