"Барселона" жамоасининг янги аъзоси Арда Турон 2016 йилнинг январига қадар ўйин амалиётисиз қолишга тайёр.

"Барселона"га нисбатан ФИФА томонидан жорий қилинган тақиқни деб, ижара асосида бошқа жамоага бериб юборилмайман. Мен кейинги 6 ой давомида жамоага ва шаҳарга мослашиш билан банд бўламан.

Месси, Суарес, Неймар, Иньеста ва бошқа янги жамоадошларим билан машғулотларда қатнашиш ижара асосида ўйнаб юришдан фойдалироқ.

Мен дунёнинг энг яхши ўйингоҳида дунёнинг энг яхши ўйинчилари билан ўйнайман. Мени бу ерда жиддий рақобат кутмоқда. Аммо бу ерда мен футболдан завқ олишим мумкин.

Бу жамоа бутунлай ўзгача услубда ўйнайди ва мен бу услубга мослашиш учун кўп меҳнат қилишим керак. Мен юқори савияга чиқишни истайман", дейди Туран.