Германия молия вазири Вольфганг Шойбле америкалик ҳамкасби Жек Льюга Грецияни Пуэрто-Рикога алмаштиришни таклиф қилди. Бу ҳақда Bloomberg агентлиги хабар бермоқда.
“Яқинда мен дўстим Жек Льюга, агар АҚШ Грецияни доллар иттифоқига олишга рози бўлса, Пуэрто-Рикони Еврозонага олиш мумкин бўлишини айтгандим”, – деди Шойбле.
Пуэрто-Рико, Греция сингари, молиявий инқироздан азият чекмоқда. АҚШ билан уюшган давлатнинг қарзи 72 млрд долларни ташкил қилади. Грециянинг қарзи эса 320 млрд еврони ёки 353 млрд долларни ташкил қилади.
“Лью буни ҳазил деб ўйлади”, – тушунтирди Шойбле.