Ижтимоий тармоқларда ранглар бўйича янги тортишувлар пайдо бўлди. Эндиликда фойдаланувчилар иккита оёққа суртилувчи лакларнинг қайси бири туфли рангига мос тушиши бўйича баҳслашишмоқда.

Мазкур фото BuzzFeed порталига жойлаштирилган ва ҳозирда фойдаланувчиларнинг фикрлари ҳам икки хил кўринишда янграмоқда.

BuzzFeed ўтказган сўровга кўра, 64 фоиз фойдаланувчилар ўнг томондаги лак туфли рангига монандлигини таъкидлаган бўлса, 36 фоизи бу борада тескари фикрни билдиришган.

Эслатиб ўтамиз, жорий йилнинг февралида ижтимоий тармоқларда куйлакнинг тасвири жойлаштирилган ва ўшанда фойдаланувчилар унинг қандай рангда: кўк-қорами ёки оқ-тилларанг эканини аниқлашишда баҳслашишганди.