Охирги йилларда Ўзбекистон ва ХХР энг олий даражада кенг алоқалар олиб бормоқда. Бу ҳақда Ўзбекистон президенти Ислом Каримов Уфада бўлиб ўтаётган ШҲТ саммити доирасида ХХР раиси Си Цзиньпин билан ўтказилган учрашув чоғида айтиб ўтди.
Шунингдек, Ўзбекистон раҳбари Хитойга узоқ муддатли кўмак учун ташаккур билдирди.
“Ўзбекистон Хитойнинг “Ипак йўли иқтисодий камари” ҳамда “XXI асрнинг денгиз Ипак йўли” ташаббусларини қўллаб-қувватламоқда... Ўзбекистон, шунингдек, Хитойнинг халқаро масалалардаги бир қатор муҳим позицияларини қўллаб-қувватламоқда ва тегишли ҳамкорликда фаол иштирок этмоқчи. Ўзбекистон, “Шанхай руҳи”га таянган ҳолда, ШҲТ тараққиёти ва аъзо давлатлар ўртасидаги ҳамкорликни қўллаб-қувватлаб боради”, – деди у мулоқот чоғида.

Ўз навбатида, Си Цзиньпин ҳам Хитой Ўзбекистон билан алоқаларни ривожлантиришга улкан эътибор қаратаётганини таъкидлаб ўтди:
“Охирги йилларда икки давлат муносабатларида чинакам сакраш содир бўлди. Хавфсизлик, энергетика, молия, транспорт, қишлоқ хўжалиги, телекоммуникациялар ва таълим соҳасидаги ҳамкорлик ҳар томонлама ривожланмоқда, икки давлат ҳам бир қатор қўшма лойиҳаларни амалга оширди, бу уларнинг халқларига сезиларли фойда келтирди. Давлатлар стратегик ҳамкорликни мустаҳкамлаши, ҳамкорликнинг йўл харитасини ишлаб чиқиши, Хитой ва Ўзбекистон томонидан “Ипак йўли иқтисодий камари”нинг яратилиши доирасидаги келишувлар реализация лойиҳасини ишлаб чиқиши керак”.